Luka Modricit i është thënë nga presidenti Florentino Perez se mund të largohet nga Real Madridi para se të shfaqën raportet për transferim te Interi.

Ylli i ‘Los Blancos’ mund të largohet nga klubi në Bernabeu dhe Interi është i vendosur për ta transferuar atë në Itali, transmeton portali arbresh.info.

Reprezentuesi kroat është duke menduar me plotë seriozitet transferimin në Serie A pas shumë titujve të fituar gjatë periudhës gjashtë vjeçare në Spanjës.

Sipas gazetës italiane ‘Tuttosport’, Modric do të flas sy me sy me presidentin e Real Madridit, Florentino Perez, rreth të ardhmes së tij.

Ylli kroat shkëlqeu në Kampionatin Botëror këtë verë duke i ndihmuar vendit të tij të arrijë në finale, ku ata u mposhtën nga Franca me rezultat 4 me 2.

Interi tashmë ka nënshkruar me Radja Nainggolan dhe pasi dështuan në transferimin e Arturo Vidalit në garën me Barcelonën, ata do donin të kenë Modricin në mesfushën e tyre, transmeton portali arbresh.info.

Deri tani, Perez është duke refuzuar të zhvillojë bisedime, megjithëse së fundmi ka thënë se Modric mund të largohet vetëm nëse dikush paguan klauzolën e tij të blerjes prej 700 milionë euro.

‘Tuttosport’ thotë se Modricit i ishte premtuar largimi nga Real Madridi një vit më parë nëse i ndihmon atyre për të fituar titullin në Ligë të Kampionëve.

30-vjeçari bëri pjesën e tij duke shkëlqyer në fitoren 3 me 1 ndaj Liverpoolit në finale./arbresh.info/